劉嘉玲昨日一身白色性感打扮出席塑身產品的宣傳活動，她表示會試搽該產品，但絕不會用於胸部上。談到男友梁朝偉，嘉玲笑稱因為偉仔懶及怕麻煩，故她要花不少心思引他去一些新的食肆。
劉嘉玲昨日一身性感Gucci低胸裝，出席假金鐘港麗酒店舉行的SK-II活動，為塑身產品宣傳。嘉玲表示每次接拍護膚品廣告，都會先試用產品，像今次她便試用了一個月，還表示會搽在鬆弛的部位上，記者問她是否包括胸部時，她即笑說：「吓？冇搽噃。」
臨近聖誕節，嘉玲透露會與男友梁朝偉在上海度過，昨天她則與家人做冬。聖誕檔期有兩套偉仔的電影上映，嘉玲表示已看了《地下鐵》，她說：「好好睇，好好笑呀。」記者笑指因為偉仔主演的緣故，她當然覺得好看，嘉玲即反駁說：「唔係呀，偉仔有啲戲我唔會睇㗎。」
談到偉仔來來去去都是光顧幾間相熟食肆，是個念舊的人，嘉玲對此說：「佢根本就係懶、怕麻煩、怕陌生同慢熱，嗰啲地方都係我介紹佢去㗎咋，我有時要花心思引佢去啲新嘅地方，佢根本唔會用腦。」批評偉仔一輪後，嘉玲最後亦不忘大讚男友說：「我最欣賞佢嘅工作態度同好心地。」
而早前嘉玲往欣賞王菲演唱會時，與許晉亨前後坐，她表示當晚沒有機會與許晉亨交談。至於有傳內地演員李亞鵬追求王菲，她說：「都唔可信嘅。」問她有沒有見過王菲與霆鋒在一起？她說：「我不嬲都冇見霆鋒嘅。」
採訪：CamelLok
攝影：ChanKwingWai
