新任民建聯主席馬力𠵱家身在北京，究竟所謂何事？八方噚日諗住搵搵馬主席，睇吓民建聯點樣「是其是、非其非」，喺近來大學撥款單嘢搞乜鬼，先知原來呢位大哥上咗北京，要成個星期先返，聽講係列席全國人大常委會會議。
乜人大常委都有得列席嘅咩？原來真係有，港區人大每次就可以有兩個人上去列席。雖然係咁，馬力新上任做保皇黨主席，又公開聲言唔想再做保皇黨，唔知會唔會有北大人咁啱得閒，同佢食番餐飯，叫佢唔好為搏選票，去到咁盡，搞到要借阿董個人頭一用，面授佢兩句「侍董之道」呢？
傳真︰2623-9278
電郵︰