陳四萬重返政壇，流言四起，傳到似層層，有人話佢組黨，有人話佢想選特首，連啲土共都信咗少少，面口唔同晒。佢阿姐梗係唔認啦。就算選，都唔使咁早話你知，等你哋心思思，反正今時唔同往日，阿太全家父慈子孝，錢又大把，一無所求，亦冇乜數好同你講，使乜向土共交心？
傳還傳，有啲仁兄仁姐就肯定唔會跟陳太條隊。周德熙同葉劉淑儀是也。周德熙舊年想留任當問責局長，處理民政佢有信心勝任，點知老董死都要搵啲外人湊數，寧願信何志平都唔用周兄，自此之後，喺談判桌上有TigerChau之稱嘅周德熙已經對從政意興闌珊，點會入黨，何況重係手袋黨？
至於葉劉，未行問責制已經直接向阿董負責，繞過佢一直認為打壓自己嘅陳太，結果係點，係人都知。但係就算衰咗，葉劉份人咁硬淨，或者唔似左仔一樣有奶係娘，錢佢亦好叠，亦唔慌會歸四萬隊。
傳真︰2623-9278
電郵︰