各位重記唔記得，舊年本地有舖頭向來港同胞兜售「名表」「勞斯丹頓」，同啲有錢嘅大陸來客話係勞力士同江詩丹頓齊名之精品，後來唔肯退款，結果報上差館。呢段新聞做得好大，一時間，「勞斯丹頓」已成為假嘢嘅代號。
八方上個禮拜五睇台灣《蘋果》，底版有個大廣告，推介一隻名表，話係瑞士原裝25石機芯，法國水晶面，鑲南非鑽石，以「表中的勞斯萊斯」自居，每隻定價近五萬台幣，即逾萬港紙；表商又搵咗台灣藝人陳昭榮做代言人。
呢隻台灣名表咁啱又係叫「勞斯丹頓」，英文Rosdenton，係咪巧合八方都唔知；話唔定係我哋見識少，屈咗紅磡間舖頭呢。
（圖）勞斯丹頓喺台灣《蘋果》底版賣全版廣告，都可算係名牌。
傳真︰2623-9278
電郵︰