吳君如、陳可辛及其雙親、張學友、鄭中基、江欣燕和曾華倩等，前晚在銅鑼灣出席《金雞2》首映。出爐金馬影后君如穿上低胸裙配上珍珠頸鏈，十分風騷。
君如表示珍珠頸鏈是奶奶（陳可辛母親）所送的聖誕禮物，她說：「我哋雖然未結婚，不過我咁叫Peter（陳可辛）媽咪都可以，佢好講得笑。奶奶見到我戴，佢話我應該戴埋珍珠耳環，我答佢冇，引佢送埋畀我。」
問君如會否送孫兒給奶奶作回禮呢？她說：「盡量，生得出先得，奶奶隔三日就催我哋結婚，我哋會奉子成婚，𠵱家要老來得子。」君如等人前晚又拉大隊到天后一間酒吧狂歡，舒淇和黃柏高亦有到場。
採訪：魯萍、李珮洳
攝影：陳志嵐、仇志德
