陳小春前晚出席《勁歌》季選時，對日前指容祖兒（Joey）「密食當三番」，容祖兒卻反指陳小春是「包拗頸」及反叛青年，對此小春前晚否認說：「唔係，只係道不同不相為謀啫！拗唔拗頸我視乎情況，鍾意出多啲碟咪出多啲囉，嗰晚佢（容祖兒）攞獎我都有拍手掌㗎。」
此外，Joey昨日在旺角某唱片店舉行簽名會，共派出五百個簽名限額，不少歌迷一早已到場排隊，而店內千隻Joey的唱片亦全部售罄。
昨日旺角街頭人山人海，圍觀人數近千人，唱片公司為保安全計，共動用二十五名保安和四十個鐵馬。
Joey說：「我係第一次喺旺角搞簽名會，本來我想行波鞋街同去買雞蛋仔食，但係應該唔得喇！」
採訪：王連連
攝影：何國豪