立法會明年二月二十七日將舉行一年一度嘅議員與記者同樂日，下個月十四日就截止報名。上星期，籌委會已經定出今次各項活動，叫啲議員同記者報名，其中多咗一項相聲表演，睇怕非大會司儀朱幼麟莫屬。
近年立法會議員同記者同樂嘅活動已經由運動場改到立法會大樓，一樣會有才藝大比拼，好似唱歌、跳舞、樂器演奏、戲劇、魔術等，又有得猜謎，最後梗係唔少得卡拉OK自由唱，一年忙都晚，班尊貴議員都要唞唞，至於班專跑立法會嘅記者，明年肯定忙死，因為又到選舉年，咁先玩一玩，輕鬆一吓，再戰議會。
（圖）朱幼麟（左）會做同樂日嘅大會司儀，由佢表演相聲就最適合。
資料圖片
傳真︰2623-9278
電郵︰