臨近聖誕，有人快活有人愁；今次我就會講下剛推出新鞋、愈打愈好嘅狀元勒邦占士，同埋官非纏身，斯人獨憔悴嘅拜恩。
先講下新鮮出爐嘅AirZoomGeneration，在美國的AZGLaunchParty中，之前從未曝光的明星賽特別版終於曝光──答案就係泥色嘅AZG！據報勒邦占士會穿上它來參加入樽賽；明星賽（如果入選，唔入選就參加新人賽）則會選上全白紅的Swoosh版！以上顏色均在二月發售！而AZG Low就會到夏季先出擊，嗰樣似AirForceIICyber版，全白色睇落都幾靚仔！
講開勒邦，據大陸消息，AZG嘅特別版係整個神州大地只係得一百二十三對；分別係廣州，北京，上海各限量四十一對。北京更加有人聘請民工（盛惠一百人民幣一晚），於只得幾度嘅王府井大街排隊搶購，成為中國球鞋史上新一頁！大陸工廠為美國NIKE公司生產四千五百對鞋，中國十三億人口先「配給」嗰一百二十三對，我哋彈丸之地能夠賞賜咗四十對，重要唔使排隊，上網click幾下就買到，真係謝主隆恩！
至於拜恩，本來NIKE會為佢推出個人戰鞋Huarache2k4，但係見到佢家陣官非纏身；所以最近出街嘅鞋辦上面，一如所料已取消鞋身上面個「8」字，改為Huarache標誌，對鞋亦由拜恩專用鞋變為普通TeamShoes！
最後，祝大家聖誕快樂之餘，送上一個聖誕紅鞋系列，希望大家揀到心水送畀另一半！
Hleung-波鞋網站
頭目，最愛佐敦同柏賓，最怕寫字。
Email: