重有兩日就係聖誕假期前嘅平安夜，想唔到此刻間嘅香港車壇，卻一點也未見平安呢！皆因早陣子，亞Mark收到風，話同屬法國品牌嘅雷諾（Renault）汽車，原香港代理商有意隨住佢哋嘅高層MikeRushworth快將榮休後，停止一切有關雷諾嘅汽車銷售業務，由於消息未能得到代理嘅證實，亞Mark亦未知真正嘅實情；惟同屬集團旗下嘅保時捷（Porsche）汽車，卻會維持番在港嘅營運，而遲吓佢哋重會有位德國籍嘅高層到任，以監控保時捷香港嘅業務，滙報番駐上海嘅總部呢！
今年香港車壇代理權及人事變動頻繁，亞Mark期望踏入2004年後，會有一個既穩定又欣欣向榮嘅好開始。