周街話有前高官會參選，其中一個係有前科嘅藍鴻震，八方最近見到藍爺，求證於佢本人，藍爺話，「𠵱家重諗緊，未定、未定」。梗係啦，定咗就分分鐘俾胡國興計參選經費，係人都等到最後一秒啦。
睇吓張卡片，全國政協、太平紳士、南洋商業銀行董事，就算勝出都唔慌會支持加快民主步伐，都係唔好提請老哥出山。
另外，八方早前又碰見當年同老董一齊角逐第一屆特區首長嘅李福善同李太，李官話自己八十二歲，已經不問政事，等啲後生去搞。八方問呢位有份起草《基本法》嘅老人家點睇香港民主進程同埋四大護法早前嘅講話，李官梗係話北京講得啱，因為《基本法》係咁規定，要經咁多關卡先至可以有全面直選，所以話，香港乜嘢人都有，唔鍾意加快民主化嘅人亦唔少。
傳真︰2623-9278
電郵︰