聖誕節就到，又係大家煩惱買禮物、同埋各大商品狂出聖誕boxset嘅時候，但係勢估唔到連水着女出嘅寫真集同DVD都玩聖誕噱頭。好似人氣不斷上升嘅森下千里咁，聽日就會一口氣出三隻個人DVD，入面嘅造型都同聖誕有關，咁識市場策略，我羅拉估佢大有機會成為今期銷量No.1。
首先隻碟一開始嘅宣傳口號就係「比堅尼天使降臨人間」，即係話畀大家知森下咁天寒地凍都着住水着出現，鍾意睇肉嘅fans當然開心，但我羅拉反而認為，佢成身縛晒聖誕燈泡扮人肉聖誕樹就最創新，你估成身綁晒熱辣辣嘅電燈膽唔危險㗎，攞命博㗎！
而森下另外一款造型，我羅拉一樣唔推介小朋友去模仿，就係瞓喺地上作勢被釘十字架。你知啦，森下着住比堅尼擺啲咁嘅甫士，咁即係連耶穌都玩埋，咁就唔應該囉！