王菲一連八場紅館個唱昨晚開鑼，四面台設計全場爆滿，阿菲整晚以獻唱舊歌為主，歌迷反應十分熱烈。
阿菲出場時戴了一個高跟鞋造型的頭飾，她預先站在高台上，然後被吊到紅館中央獻唱，唱罷一曲後，阿菲的舞台才降回地面。
阿菲在台上以諧音字說有味笑話，她說：「我等陣唔會講咁多嘢，我唔係扮cool，因為語言嘅溝通簡稱叫語溝，好唔徹底，好唔準確，我鍾意用音樂嚟溝通，佢嘅簡稱呢……」fans隨即大叫「音溝」，阿菲忍不住笑。
昨晚劉嘉玲與舊愛許晉亨前後腳到場睇騷，問嘉玲為何不與男友梁朝偉到場？她表示偉仔要開工。
此外，近日有人將阿菲為演唱會拍攝的最新兩款海報，放在網上公開拍賣，其經理人陳家瑛得悉後憤怒地說：「啲人竟然可以快過我哋，我聽見話阿菲喺海報入面着嘅衫都有得拍賣，我好震驚。」
採訪：胡比
攝影：何國豪