警員向前一哥敬禮 - 李八方
曾蔭培噚日去阿哥官邸，參加曾蔭權寶貝仔嘅新婚酒會，一位維持秩序嘅前線警員見到前一哥曾蔭培，即時肅然起敬行咗個禮，從曾蔭培嘅欣喜眼神睇嚟，呢位前一哥對呢位夥計咁長情非常受落。
張家俊攝
傳真︰2623-9278
電郵︰[email protected]
參加煲呔酒會嘅財經事務及庫務局常任秘書長苗學禮夫婦向記者鏡頭開心揮手，表現興奮，唔講重以為係佢哋娶新抱。
陳日君主教（右）公開讚煲呔係虔誠教徒，幫佢兒子主持完婚禮，又嚟酒會捧場，可惜，主教始終同煲呔老闆董建華唔啱嘴形，唔知煲呔擔唔擔心阿董會唔鍾意兩人咁老友呢？