黎姿與王喜主演、梁鴻華執導的福音電影《天使死神》，在票房表上映了四天錄得零票房，昨日梁鴻華解釋該片其實是不牟利電影，今年四月在新光戲院獨家放映時，觀眾是免費入場，故此影片才會沒票房收入。
梁鴻華還表示該片是非商業片，他說：「之前我同教會合作拍咗幾部福音片，都係唔使錢可以入場觀看，戲院大堂都貼晒告示牌，《天使死神》有五千幾人入場睇。咁所有人唔使買飛入場，當然係零票房。」
黎姿昨日接受長途電話訪問時則對此說：「我係想拍一部有教育意義嘅電影，因為我阿爺（黎民偉）拍嘅電影好少係商業片，而我覺得𠵱家年輕人缺乏愛，所以梁鴻華搵我時我就答應咗拍。」