女士搭交通工具，卻攞啲化妝品出嚟當眾扮靚，其實有啲不雅，不過環境運輸及工務局局長廖秀冬，噚日就為咗田北辰同楊啟彥而犧牲儀態，當眾表演喺西鐵車廂搽唇膏。
事緣西鐵列車嘅穩定性一直被人批評，噚日首日正式通車，九鐵主席田北辰同行政總裁楊啟彥陪同特首及廖秀冬一齊乘搭，記者事後問楊啟彥感覺點，楊啟彥向記者透露，佢坐車時特別要求冬冬搽唇膏，冬冬亦好爽快咁照做，重表演一招唔用鏡搽唇膏，依然畫得靚靚，證明車廂一啲都唔搖晃。
要平息民怨，甘願犧牲「色相」，今時今日做問責高官的確唔容易。
傳真︰2623-9278
電郵︰