港台「第二十六屆十大中文金曲頒獎禮」前晚在會展舉行，Twins獨得五獎成大贏家，容祖兒則憑《我的驕傲》奪「全球華人至尊金曲獎」，只得一個「飛躍大獎金獎」的陳小春，在台上發表出碟愈多得獎愈多的言論，似揶揄今年密密出碟又贏大獎的Twins及祖兒，結果引來祖兒反擊指他性格反叛。
港台舉辦的「第二十六屆十大中文金曲頒獎禮」前晚在會展舉行，陳小春前晚得飛躍大獎金獎，他上台致謝辭時說：「原來一年做幾張唱片係好啲，我希望出年做十張，密食當三番。」
此言論似挑戰賽果的公正性，及揶揄今年密密出碟又成為大贏家的Twins及祖兒，事後小春接受訪問時說：「我係對成績有少少失望，每個台有自己嘅機制，或者一年入面出多幾張碟係着數啲。我都好開心有個飛躍大獎，我會畀阿媽睇。我反而戥莫文蔚失望，佢啲碟全亞洲銷量都好好，許志安都係。」
頒獎禮後，祖兒、Twins和Boy'Z齊齊拉大隊慶功。對於小春的言論，祖兒似乎相當不滿，她說：「佢包拗頸之嘛，佢係反叛青年，每間公司有佢哋嘅睇法，佢慢工出細貨，我要短時間內有精品，每間公司策略唔同啫。其實我每年出兩張唱片都會好攰，佢哋男仔可以做耐啲時間，我哋女仔青春有限，唔可以做咁耐，就要快啲出碟。」
陳慧琳（Kelly）缺席頒獎禮後的記者會，似對賽果不滿，祖兒對此說：「人人都知自己路向，我唔係講風涼話，攞獎只係錦上添花。」
問祖兒覺不覺得已超越Kelly？她說：「有競爭先有進步，有好歌就一定攞到獎，獎只係推動力，『舞影行動』之後得獎嘅歌手，證明係實至名歸嘅，個行動已經完結，公司話冇做過，我信公司。」
前晚張栢芝任頒獎嘉賓，港台主持謂她會頒給其好友，結果她頒獎給李克勤，曾與栢芝傳緋聞的陳小春及鄭中基在台下即鬆一口氣，並互拍一吓，事後小春說：「我唔係尷尬，佢頒畀我，我都開心㗎。」
此外，陳小春前晚出席頒獎禮後，即乘坐保母車返回康樂園寓所，其間有周刊記者衝入康樂園閘內拍照，小春即時扯火爆粗說：「你哋想點×樣呀？×！全部係屎嚟㗎！」看來小春也感染了張栢芝的火爆性格。
採訪：胡比、王連連
