許志安前晚缺席港台頒獎禮，最終「食白果」收場。昨晚他出席《勁歌金曲》季選時說：「我噚晚換晒衫去到現場，但唱片公司叫我唔使去，話怕我有hardfeeling，我好尊重公司意思，所以咪返屋企換衫，之後去咗搵阿梅（梅艷芳）囉。」
安仔可認為賽果不公平？他說：「呢方面我不予置評，總之我尊重公司意願，而且每個賽制唔同，可能大家唔啱channel啦！希望嚟緊三個台嘅頒獎禮唔會『食白果』，爭番啖氣啦！」
問安仔會否出席港台十優歌手頒獎禮？他說：「我唔care，嗰日我有嘢做，出席唔到。」莫文蔚暗示出席港台頒獎禮浪費時間，安仔認同說：「我覺得同阿梅傾偈或者錄音重有意義。」
此外，問陳慧琳對港台賽果可感失望？她說：「有啲愕然同少少失望囉，但自己已經做好本份。」