潮流：<br>簡約型男設計師專訪montage新貨率先睇

潮流：
簡約型男設計師專訪montage新貨率先睇

人未到先聞樓梯響，型男日牌montage早前事先張揚登陸香港，專門店終於前日開幕，Fans們唔使再望到頸長。設計師豊田洋人親身到港巡視，更真人示範何謂簡約日本型男，教你點着拼貼時裝。登陸尖沙嘴的montage新店，裝置擺設跟足日本店，環境風格與時裝設計同出一轍，品味型男必定要到此一遊！

記者：梁珮瑜　攝影：蔡鴻雯
模特兒：Jan

大sell拼貼元素
montage是法文安裝鑲嵌或蒙太奇的意思，而品牌創立人兼設計師ToyodaHiroto（豊田洋人），就闡釋montage（簡稱MTG）為一個拼貼、擁有不同元素的牌子。豊田本身是專門是設計男女便裝的設計師，於96年創立男裝品牌montage，由寄賣在其他店舖到開設自家專門店，MTG都深受日本男生的歡迎。而豊田至愛的設計師係MarcJacobs，愛其簡約兼襟興，與MTG的風格不約而同。

■雙龍外套後幅更印有大龍圖案及MTGFIEND字樣。

勁煲骷髏頭
MTG愛用骷髏頭logo，今季更加勁玩。不單Crossover係主打，嚟緊春夏一樣大熱，繼續力捧skullandcrossbones。

最新交叉合作
montage不時愛搞交叉合作Crossover，曾為電影設計Tee、與音樂人合作出唱片，而最新力作就係玩限量公仔，及推出特別版波鞋。日本潮流雜誌大力推介，難得香港新舖都有得賣，不過都係嗰句：數量有限，手快有手慢無。

■MTG網頁有電腦桌布下載，其中唔少得大熱骷髏頭。

■MTGfiend骷髏頭地毯$750。

04'春夏破舊校園Look
豊田:「montage的風格是Basic、Dailywear及易着易襯。我自己想着乜就做乜，再加入少許Fashion元素，就係montage。」而他更透露來季春夏系列，簡約中帶Vintage感，兼有Oldschool校園Feel。而其實在03'冬季系列中，亦隱約感覺到一點點校園感覺，再配合時裝元素，大熱潮流應有盡有。