歐倩怡生日竟然要獨守空房，原來佢喺今個月嘅六號生日，但係佢男友郭晉安為咗食住《戇夫成龍》個勢，睇錢份上，好忍心咁留低倩怡一個人喺香港，自己就北上去內地拍劇。
噚日倩怡同滕麗名、鄭嘉穎、陳錦鴻喺將軍澳出席新劇《心靈雞湯》開鏡拜神儀式時，講到佢生日嗰日點樣過，倩怡面上居然冇任何失落嘅表情，重好冧咁樣，佢話：「冇啊！咪搵我第二個老公，次郎狗狗陪我，即係我屋企隻狗，不過生日嗰日佢（郭晉安）都有打畀我，重送咗一份生日禮物畀我，原來佢去內地之前，就靜靜雞收埋一本我好鍾意嘅幾米畫冊，之後重同我玩尋寶遊戲，畀貼士我去搵呢份生日禮物，當時真係開心又驚喜，不過，諗番自己，就覺得唔係好識得去製造浪漫，所以我決定都要學吓，畀番個驚喜佢。」
噚日倩怡同滕麗名、鄭嘉穎、陳錦鴻喺將軍澳出席新劇《心靈雞湯》開鏡拜神儀式時，講到佢生日嗰日點樣過，倩怡面上居然冇任何失落嘅表情，重好冧咁樣，佢話：「冇啊！咪搵我第二個老公，次郎狗狗陪我，即係我屋企隻狗，不過生日嗰日佢（郭晉安）都有打畀我，重送咗一份生日禮物畀我，原來佢去內地之前，就靜靜雞收埋一本我好鍾意嘅幾米畫冊，之後重同我玩尋寶遊戲，畀貼士我去搵呢份生日禮物，當時真係開心又驚喜，不過，諗番自己，就覺得唔係好識得去製造浪漫，所以我決定都要學吓，畀番個驚喜佢。」
劉青雲噚日去台灣宣傳電影《忘不了》，傳媒將焦點放喺佢同張栢芝嘅激吻戲度，劉青雲話自己同栢芝只係做戲，只有同老婆郭藹明接吻先至係真情流露，又話老婆係佢嘅隨身藥品，自己一發嬲，食兩粒即刻好番，重話想同老婆生番個BB，真係好少見青雲咁肉麻。
由張衛健、關詠荷主演嘅電視劇《吉祥如意》喺台灣收視報捷，張衛健專程去咗台灣慶功，而噚晚佢就去咗中影文化城柯受良嘅靈堂悼念好友，張衛健話曾經主演過柯受良導演嘅兩套電影，大家交情好好，所以要喺離開台灣之前特別去睇吓小黑哥。
趙頌茹（阿Yu）平時唔多出聲，成個乖乖女咁，唔知係咪咁，所以佢亦特別受到校長歡迎。話說噚日阿Yu去到屯門一間學校，為《無煙Teen空》設計比賽做頒獎嘉賓，喺台上同個男校長握手嗰陣，校長隻手同佢握咗好耐都唔肯放，搞到班學生笑到唔停得嘴。
珈潁噚日以「現代版武則天」嘅造型出現亞視，為新劇《狄仁傑奇案京都疑雲》宣傳，坐喺龍椅上嘅珈潁，扮出一副嚴肅嘅樣子，但因天氣太凍，佢又患咗感冒，所以要攞住杯熱咖啡取暖。佢話：「我之前一晚見天氣咁凍，所以開咗缸熱水浸咗兩個鐘，點知中途啲水凍咗都唔知，搞到感冒。」咁大個人真係要學識照顧自己啦！
