鄧健泓一向視保母車為另一個家，故此總購買很多消閒用品如DVD機、漫畫和雜誌來解悶。鄧健泓表示很喜歡小狗，所以車內擺放了不少小狗公仔，可見他童心未泯！
鄧健泓（Patrick）覺得保母車除了要保持清潔的車廂外，娛樂設施亦很重要，因為藝人出外景時常以保母車為家。為了解悶，Patrick便購買很多消閒用品放置車內。
鄧健泓表示早前忙於拍攝電影，經常留在保母車上等埋位，因此雜誌就成為他消磨時間的首選娛樂，他更大讚其司機德哥每星期都會買一些最新雜誌及漫畫供他享用，他說：「德哥真係好好人，佢知我哋好多時等埋位冇嘢做，所以就買定一堆書畀我睇。」
Patrick透露早前德哥生日時，送了手提DVD機給對方做生日禮物，他說：「呢份禮物可以話係一舉兩得，我等開工時又可以煲吓碟，咁德哥等我收工時又可以睇住碟等。」
此外，Patrick的車內有不少小狗公仔，他解釋：「由於狗好利我，我本身又好鍾意狗仔，所以呢啲狗公仔都係我買嘅。」原來Patrick一直都渴望擁有一輛屬於自己的保母車，他說：「如果我真係買車嘅話，我一定會喺入面放個細雪櫃，而且會裝一部正嘅音響同電視。」
採訪：李珮洳
攝影：陳偉權
