譚詠麟（阿倫）、李克勤、何韻詩和陳小春等，昨日到會展綵排「第二十六屆十大中文金曲頒獎音樂會」。阿倫昨晚擔任嘉賓司儀，亦將演繹林振強的作品，向他致敬。
對於李蘢怡（Tiffany）被本報記者拍到在男友家度春宵，阿倫有否責怪她？阿倫笑說：「據我所知佢上去人哋屋企攞全盒，就嚟新年嘛，可能個全盒重，所以攞耐咗囉，我哋唔會責怪佢，佢大個女，要見吓世面。」
此外，小春早前到台灣與朋友蒲夜店，有人向他通風報信說他被跟蹤，並勸他小心，小春說：「我怕乜呀，我又唔係冇畀錢，又唔係犯法，嗰晚係有好多女仔喺我哋身邊行嚟行去，但都係朋友介紹，只係打吓招呼。」
採訪、攝影：胡比