中聯辦秘書長蔡小洪蒙難，俾中央抓獲，呢頭有傳聞話好多同中央有關嘅會議改去深圳開，嗰頭有消息話全國人大港澳處處長徐少軍落咗嚟香港，都真係嚇人一跳。
八方查探後發現，原來徐少軍前晚喺中國會同一班港區人大食飯，畀錢嘅係黃宜弘，今次徐少軍嚟香港，主要為咗安排港區人大下個月去珠海嘅活動，噚晚食飯大家摸住酒杯底風花雪月。
有港區人大夠晒坦白，話如果前晚佢哋冇傾蔡小洪被捕嘅事，人人都唔會信，而令人最質疑嘅係，究竟蔡小洪係咪好似一啲報道咁講，俾幾百萬就可以收買呢？蔡小洪做得秘書長，幾百萬簡直侮辱，佢哋好想徐少軍講啲內幕嚟聽，不過結果令班港區人大失望，因為徐少軍只係覺得蔡小洪咁做「好有問題」，至於實際收幾多錢，就連佢都唔知道嘞。港區人大想刺探國家機密？想自己都坐埋呀？
傳真︰2623-9278
電郵︰