陳四萬近日對組黨傳聞，全無否認，土共未摸清上意，尚未開火，陳太就同GiGi梁詠琪一齊去時代廣場，出席聯合國兒童基金會慈善曲奇義賣活動。
陳太以前未離開政府嘅時候，計到尾都同阿松喺行會共事過，佢噚日好寬厚咁話，覺得阿松件事「應該告一段落」，就連喺香港法律地位崇高嘅大律師公會，都認為今次律政司做咗正確決定，既然成件事拖咗咁耐，𠵱家都應該畀阿松回復正常生活。
嘩，陳太語氣，好似特赦一名罪犯咁，充滿慈祥，唔通上位真係有機？
講到就快過聖誕，陳太就笑得更加開心，佢話聖誕係家庭團聚嘅日子，所以佢唔會外遊，留喺香港同屋企人過，一齊食嘢拆禮物。陳太又話成家幾十人，自己好多兄弟姊妹，又好多孫仔孫女，買禮物都買到手軟，當然講到收禮物喎，佢自然都收唔少啦！
（圖）陳太（中）噚日同GiGi（左）一齊幫聯合國兒童基金會賣慈善曲奇，話咁快就籌到一張金牛。
陳廣慧攝
傳真︰2623-9278
電郵︰