八方噚日喺東亞回顧展望記者會見到寶Baby，佢除咗主動說漏嘴話考慮直選，又指國壽發生中籤通告擺烏龍事件，絕對唔會影響香港國際金融中心地位，皆因「我諗佢搵錯公司之嘛……」，又笑住話若果「搵Tricor（卓佳，乃東亞附屬公司，從事股票過戶業務）就唔會……」。
至於阿松免被律政司起訴，寶Baby認為對方係「好叻嘅人」，不幸一時疏忽做錯「呢樣嘢（冇申報買車）」。佢又透露，阿松落台後，曾經請對方食飯，松哥對香港經濟睇得好好，睇年尾更加好，「最慘佢走咗……Henry（唐英年）執咗個熱煎堆……」。
寶Baby夜晚同細佬李國章出席英國駐港總領事酒會時，再度同緋聞女友廖碧欣同場，但就完全同對方冇眼神接觸。
反而廖小姐好大方咁回應會否支持寶Baby參選特首一事，佢話「要睇吓佢嘅政綱」，同埋「要問番佢屋企人」喎。
傳真︰2623-9278
電郵︰
