喺唔少香港人正計劃聖誕假日，有咩活動嘅同時，另一邊廂卻有一班人正忙碌地部署新車到港嘅事宜噃！亞Mark所指嘅，咪係早前曾經透露過嘅全新萬事得Mazda3（即舊有323）囉！皆因代理有意響明年1月正式隆重登場關係，此刻香港代理上下，可謂忙個不亦樂乎。
據知，呢款全新Mazda3，首批新車可望今個月底前率先抵埗。無論係四門版轎車版，又或者係五門掀背式轎跑車型號，都予人有耳目一新嘅感覺，加上全新歐式底盤結構，既穩妥之餘，重帶出高循迹安全性，相信呢款全新Mazda3，遲吓在港正式登場的話，勢必跟外地有同樣口碑㗎！
聽聞新車登場前，代理重會廣邀一班萬事得Fans同VIP睇預展，有意買車或換車的話，就真係不妨多等一會，睇埋全新Mazda3車系有幾正先啦！