噚日有消息話，前新華社香港分社社長王匡本周日喺廣州病逝，享年八十七歲。
四十年代曾經做過周恩來秘書嘅王匡，之後參與籌備新華社臨時總社，做過戰地記者，解放之後歷任新華社華南總分社社長、《南方日報》社長、宣傳部部長等。王匡七八年被派做新華社香港分社第一社長，當時正值中央實施改革開放政策，同英國商量緊香港回歸嘅事，所以左派一直都話，王匡為「一國兩制」做咗好多組織工作。
另外，八十一歲嘅法律界一哥張奧偉爵士上周三去世，佢七十二歲嘅律師胞弟張貫天，本周一亦於溫哥華逝世。張氏昆仲都算係龍兄虎弟，張奧偉做過大律師公會主席，張貫天亦曾任律師會會長。張貫天太太方勵潔將於明年一月九日喺香港花園道聖約翰大教堂為丈夫舉行安息禮拜。張貫天比較為港人熟識嘅，就係佢曾捲入小甜甜爭產案，前年以王德輝遺囑見證人嘅身份，透過視像系統越洋作供。
傳真︰2623-9278
電郵︰