雖然天氣轉涼，大家都唔會去海灘暢泳，但並唔代表欣賞「波濤洶湧」嘅機會減少，最近磯山沙也加同熊田曜子兩位水着女星齊齊拍住上，嚟個FCup性感大決鬥，相當煞食。
熊田曜子呢排上位極快，佢同「童顏巨乳系」新貴磯山沙也加，一齊做咗寫真雜誌《Sabra》嘅封面人物，佢哋着住唔同款嘅比堅尼同內衣拍寫真，動作火辣挑逗，雖然我大口羅拉都係女人，對內衣同泳衣都有研究，但磯山同熊田拍呢輯寫真嘅服裝，真係令我大開眼界，佢哋所着嘅珠片比堅尼十分搶眼，呢個珠片look重十足十我羅拉最鍾意食嘅紅衫魚咁可愛，真係想咬番啖！
至於磯山同熊田另一套D&G內衣都唔錯，以灰色做主調，裏面再加咗啲黃色同粉紅色嘅厘士花邊，增加唔少誘惑味道，佢哋話呢輯正嘢係提早送畀大家嘅聖誕禮物，聖誕派對着到咁重唔殺晒？