吳君如榮膺金馬影后，祝捷活動一浪接一浪，日前君如便與fans遊船河，飽覽維港聖誕夜景，並與fans大啖火雞慶祝一番，其間有男fans向「金雞」君如頻頻問價，相當搞笑。
吳君如憑《金雞》一片榮膺金馬影后，連日來一直忙於出席祝捷活動，日前她便與十名fans乘坐新渡輪遊船河，大夥兒欣賞東方之珠聖誕燈飾之餘，又與fans齊切蛋糕及大啖火雞，提早共賀聖誕及為君如得獎慶祝一番。
當晚六時許，君如偕同fans於中環碼頭起航，一同登上新渡輪出海，君如與眾同樂大吃火雞及蛋糕，又與fans登上甲板，共覽夜景。而眾fans更頻頻捉住君如拍照，又預祝《金雞２》大收，令君如笑得合不攏嘴。
其間有名男fans對君如的身價大感興趣，他向君如咬耳仔問了一個問題，君如聞言後卻哈哈大笑說：「佢問我做電台有冇四千蚊一晚呀？」
該男fans即說：「之前我睇報紙講㗎咋，我覺得你冇理由咁少喎。」君如即笑着答他：「係咯，冇理由咁少，梗係唔止啦。」之後男fans又繼續追問君如價錢，不過她卻大耍太極，笑言下次才跟他說。
君如近期忙於祝捷及為電影做宣傳，雖則日食夜食，然而體重卻下跌五磅，故她現正計劃在農曆年放假一個月，好好休養生息。君如說：「我諗過喺出年收山，都有計劃結婚生仔，但又諗住趁勢再做多年，所以都唔知點，驚老嚟冇伴又冇仔，會有遺憾呀。」
採訪：朱倬誼
攝影：林德雄
