李明逵上任做咗一哥，出席親啲酒會都有好多人上前同呢位「高人」打招呼，八方見到佢，就順口問佢點睇警察喺蘇豪區向啲冇阻街嘅車抄牌事件，係咪真係曾一哥「人一走，茶就涼」，佢嘅指示就冇效呢？
點知李一哥氣定神閒同八方講，警方如果接到投訴，就一定要做嘢，佢重帶笑咁話，去得蘇豪區wet，應該畀得起停車場費。言下之意，從此再冇酌情免費泊車咁筍嘅嘢。八方覺得，如果鄭家富重要抱打不平，就不如自己喺立法會入條問題問清楚，怕且都多唔過八方啲堅料。
周街話曾一哥會去新世界同彤叔打工，八方見到王永平，問佢收到申請未？點知佢一聽到曾蔭培三個字，即時彈開，話乜都唔講得，莫非真係咁高度秘密，問吓都咁驚青？
（圖）李明逵（左）同湯顯明前晚一齊出席慶祝日皇生辰酒會。
傳真︰2623-9278
電郵︰