宣萱自從去年與前度男友榮文瀚分手後，感情一片空白，不過一直希望拍拖的她，原來數月前經朋友介紹下結識了一位圈外男友，她更自爆視對方為結婚對象。
宣萱、關心妍、黃伊汶、黃凱芹及馬德鐘等，昨日於銅鑼灣出席無綫音樂劇《富豪海灣非凡情緣》首播儀式，宣萱以黑皮褲襯高跟鞋現身，心情雀躍，訪問時更笑不攏嘴。
提到宣萱是否蜜運時，她即自爆秘密與圈外男友拍拖數月，更視對方為結婚對象，宣萱大方地說：「都有拍拖一段時間，係圈外人嚟㗎，係朋友介紹，我覺得拍拖又唔係啲乜嘢秘密，我都預咗會有狗仔隊跟，不過聖誕節可能要開工，但係我已經準備好禮物畀男友。」宣萱為保護男友，故未肯透露他的姓氏及職業。
宣萱以「人品好及對她好」來形容這位圈外男友，對於會否考慮同居，她說：「我咁大個都未試過同男友同居，但overnight就梗係會有，我覺得兩個人始終都要有私人空間，結咗婚就另一回事，人大咗唔同以前嘅puppylove，會小心啲去處理感情方面，真係有感覺先會開始。」
此外，黃伊汶昨日遲到十五分鐘，她到場即解釋說：「因為架保母車俾消防車擋住咗，我都要落車行咗段路，所以遲咗少少。」
採訪、攝影：王崇穎
