由半年前公布開始，一直都好多人談論嘅PSX終於喺日本正式推出。呢部集合DVD錄影機＋PS2遊戲主機嘅混合機種，可謂將兩大流行元素──打機同錄電視合而為一，再加埋SONY一貫嘅超靚機殼設計，簡直引死打機一族同影音人士，所以喺日本順利掀起購買熱，以新宿名牌電器連銷店BigCamera為例，未開舖已經有30人排隊買，對經濟不景嘅日本嚟講，呢種排隊買嘢情況已不多見。
不過喺香港情況剛好相反。由於PSX喺發售前緊急宣布大幅降低規格，如燒錄速度、上網功能、兼容PS2軟件等，再加上唔可以錄製香港PAL線電視制式，水貨商一致唔睇好，搞到冇人敢入貨，最多只係按定單出機，相信行貨來臨時反應會好得多。
記者：徐影龍