瑜伽高手黃佩霞、名模陳嘉容、吳嘉龍及王合喜前日往尖沙嘴YMCA，參加護膚品牌Kiehl's舉辦的室內攀石比賽，結果黃佩霞輕易勝出，陳嘉容則是包尾大班。
黃佩霞賽後說：「可能我玩開瑜伽，隻手幾有力，不過咁多種運動中，最考起我嘅係滑雪，但係我鍾意接受挑戰，今個聖誕就會去美國滑雪。」
而平時在天橋上儀態萬千的陳嘉容，是比賽中的大輸家，她說：「我着錯鞋嚟，着咗對大頭鞋鞋頭攝唔到啲石，搞到好似蜘蛛俠咁，貼住塊牆唔郁得，落番嚟嗰陣重手震㖭。」而外形高大威猛的吳嘉龍原來有畏高症，他在攀至最高點時更情不自禁爆了一句英文粗口。
採訪、攝影DebbieLum