近年日本經常流傳好多女星嘅偷拍照片或者係偷拍片段，唔少日本雜誌同網民都議論紛紛，新一期日本雜誌《周刊實話》就刊出咗兩張同優香好似嘅裸照。無論係真係假，從良咗好耐、連水着都唔拍嘅優香一定有排煩。
兩張裸照中，一幅係個女仔喺更衣室換衫，另一張就係喺浴室沖涼。雖然都係側面，但唔少網民覺得好似優香，佢哋唔止覺得個樣同髮型似，更因為相中人個巨胸同優香身材好脗合，加上啲相冇明顯瑕疵，所以認為相中人可能係優香。
不過，雜誌訪問咗個娛樂記者，有好唔同嘅見解，個記者認為嗰張好似喺電視台更衣室拍嘅裸照，應該係假嘢，因為之前有個女電視台報道員嘅流料裸照，都係相同背景，似乎係好叻搞電腦合成圖片嘅高手所為。但個記者話另一張沖涼相就唔似假，樣似之餘，相中人左手重戴住優香平時常戴嘅手鈪，雜誌最後話張相嘅真假只有優香最清楚。