精明消費：模型飛機開倉<br>Issac陪你慶祝升空100周年

唔講唔知，原來今日係萊特兄弟升空100周年，真係值得慶祝，成世紀前嘅事關我乜事？咁《衝上雲霄》二副機師Issac（吳卓羲）陪你一齊慶祝又點睇？陪？點陪呀？無，佢知道有模型飛機開倉，幾十蚊就有架屬於自己嘅飛機，買架返屋企可以做個包無墜機失事嘅無牌飛機師，咁平，值得慶祝嘞啩？

記者：何善華　攝影：陳陶鈞

Issac至愛！
國家總理乘國航客機
開倉價$98原價$198
前國家總理江澤民，就係搭呢架中國國際航空公司波音747-4J6客機，喺1998年7月6日嚟香港主持赤鱲角新機場啟用儀式，1:400比例，極具珍藏價值。

中國人點都要支持番國航，架飛機見證新機場落成，喺香港發展嘅新里程碑。

澳航特別為2000年奧運設計嘅一系列主題飛機，其中一架機身有澳洲水產海龜圖案，1:400比例，屬波音747機種。

為紀念迪士尼卡通人物誕生100周年，日航特別推出「DreamExpress」夢幻號，全球限量紀念版，1:500比例，全套3隻，分別為白色「Friends」、黃色「DreamStory」及紅色「Sweet」。

《魔戒》喺新西蘭取景，紐西蘭航空上年為《魔戒2之雙城奇謀》設計嘅魔戒飛機，型號B767-300，《魔戒》迷收藏之選。

舊款英航飛機設計，機尾翼有大大隻英女皇皇冠標誌，波音757-200機，1:500比例，現已絕版。

全球最後一架和諧式飛機已於今年5月31日正式停航，並陸陸續續拎出來拍賣，真嘅買唔起，模型買嚟頂吓癮都好，法航Concorde，1:400比例，必儲。

美國總統專用空軍一號去過全球唔少地方，喬治布殊重剛剛搭呢隻機去伊拉克同班士兵打打氣，1:200比例，梗係波音747豪華機機種喇。

游走美國西岸內陸客機，AirbusA319型號，1:400比例，限量版發售。

波音737-400客貨機，同樣係全球限售，首次飛行日期為1996年10月19日。

麥杜尼德格拉斯DC-10-30F型號，1:500比例，AirCargo國際貨運航機，載貨唔載客，非洲出晒名航空公司之一。

大洋洲其中一個小島國，相信唔少香港人都係搭呢架機去大溪地潛水，1:500比例，大機型號ATR-72，細機型號ATR-42。