韓國女星河知雲前兩日去咗台北宣傳，喺中正機場上演咗一幕「失蹤記」。話說河知雲同經理人話想去廁所方便，但點知去咗半個鐘都唔見人，最後竟發現佢喺咖啡座歎緊咖啡，激死啲工作人員。不過河知雲就大條道理話蕩失咗路，怕大家搵唔番佢，所以留喺當眼地方，重讚自己處變不驚㖭。我羅拉都係第一次聽見人咁樣強詞奪理。