名模LisaS.、Rosemary及周汶錡等昨日演出貿易發展局的花生騷。對於侯賽因被捕，一眾名模表示是好事，LisaS.謂最佳處罰方法是終身監禁及奴役他，要他經歷曾加害於人民的苦難。
香港貿易發展局昨日於中環花園道TheHelenaMay，舉行「WorldBoutique2004」花生騷，由多位名模如LisaS.和Rosemary等示範兩個組別的新裝，包括較為飄逸的「海洋」組別，及較隆重華麗的「海草」組別。
「海洋」組別均是本地時裝設計師包括鄧達智及郭翠華等的作品；「海草」組別則是本地時裝品牌如Moiselle及PinkLabel的作品。演出期間，Rosemary更不慎踏着自己裙腳，幸好很快平衡身體，沒有出洋相。
昨日一班模特兒的話題都離不開侯賽因被捕一事，LisaS.說：「呢個當然係好消息，世界上終於少咗一個咁壞嘅領袖，但係恐怕中東重有佢嘅殘餘分子。我覺得處罰佢嘅最好方法，係判佢終身監禁同接受奴役，要佢受番以前害人、令人受苦嘅滋味。」
聖誕節即將來臨，問LisaS.收過最難忘的聖誕禮物是甚麼？她說：「我媽咪曾經送過一隻ＢＢ沙皮狗女畀我，但係養咗冇幾耐，就死咗。」
Rosemary則表示今年聖誕會在工作中度過，或會在家中開派對慶祝，她說：「最可惜係細佬喺英國，唔可以返嚟同我過節。」問她聖誕佳節沒有男友陪伴，會否覺得很寂寞？她說：「唔會，有屋企人就得啦。」
採訪：RitaLeung
攝影：MatthewLam
