短線遊：
郊遊新玩法兩手空空去露營
今日我參加的是一個平民「高爾夫球露營套餐」，球僮、球桿及豪華住宿設施一切欠奉，但自然美景及鄉郊寧靜卻可以一次過擁有，目的地是西貢深涌！最重要的是，這次露營，毋須帶裝備，一切有人代勞。這種新概念旅行團，叫你有晒足夠閒情，細心去領略野外樂趣！
記者：戴維浩 攝影：梁細權（部份圖片由綠趣坊提供）
Model：Low、Blanche（SunSpot)
露營旅行團輕鬆過癮
提起露營，第一時間會令人想到帶住重重的「架生」周山跑，年紀大點也吃不消。不過，最近坊間出現了一種親近大自然的新玩法──跟團去露營！你只需隨團出發，一切露營所需的裝備、食物等都有專人替你準備，真係兩手空空就可以過足露營癮。
位於西貢市中心東北面，毗連企嶺下海，昔日曾經是一片梯田，現在大部份原居民都遷出，剩下的是一片發展中途被擱置的高爾夫球場。深涌這差點被凡塵俗氣污染的鄉郊，又回復了昔日的寧靜，變成了露營的好地方。
這段海傍小徑，沿途長有數株果實似羊角的植物，其果實成熟時會爆裂，散播出如蒲公英的種子，遠看像漫天飛雪。但切勿被其奇特外形及美貌吸引而胡亂採集，因為它們正是香港四大毒草之一的羊角拗，誤服後會令人惡心、劇烈腹痛、神志迷亂及突然死亡，千祈咪手多多呀！
我們今次的悠閒旅程由榕樹澳出發，欣賞完沼澤地及紅樹林的海岸美景後，才到達露營目的地。沿途經過一大片鄉村和稻田的遺迹，昔日的村屋已經塌下，原址已經披上了一張由綠草織成的「地氈」，一片開揚平坦。
餘興好節目
三十多分鐘的步程過後，終於到達深涌。這裏原本是一片沼澤和稻田，現在多了個被發展商擱置的高爾夫球場，發展商把沼澤的窪地填平，中間有小湖，在平坦的草坪上露營最合適不過。
三十多分鐘的步程過後，終於到達深涌。這裏原本是一片沼澤和稻田，現在多了個被發展商擱置的高爾夫球場，發展商把沼澤的窪地填平，中間有小湖，在平坦的草坪上露營最合適不過。
食完飯係時候做啲幫助消化嘅運動。嚟到高爾夫球場又點可以唔打番場波呢，不過球僮同高爾夫球車都欠奉，波要自己帶嚟，球桿同球洞要自己喺附近撥草找尋，一切準備就緒，球賽便正式開始。
在球場中有三個人工小湖，入面有一些生猛鯉魚同鱸魚，在小橋流水上絕對適合垂釣。弊！唔記得帶魚竿同魚餌㖭！不打緊，可以向附近的農莊租用魚竿連魚餌套裝(全日租金$60)。深涌農莊(27919283)
旅行團
深涌露營體驗團
出發日期：12月25日（2日1夜）
團費：成人$188、小童$138（包一切露營用具及早晚兩餐）
查詢：64469496（綠趣坊）
網址：www.naturefun.net
自己去
白天壓軸活動就係村屋探險，深涌村有一些廢置村屋，有不少保留了傳統的農具，如犁、鐮刀、樁杵等等，未見過乜嘢係大鑊飯可走入廚房睇睇。請注意！這裏的村屋大都日久失修，有不少已出現將塌下的迹象。可能有危險的話，就切勿內進。
玩過各式活動後，係時候體驗一下深涌寧靜的一面。由高球場行出去深涌碼頭，正是欣賞日落的理想地點。「鹹蛋黃」喺馬鞍山同牛押山左邊緩緩落下，天際間隨即綻放七色異彩。別太快陶醉，晚上還有燦爛的星空等着你！
水路
由馬料水乘渡輪至深涌碼頭，航程約二十分鐘，下船後步行數分鐘便到達營地。星期一至五$16、星期六日及公眾假期$25。每日08:30及15:00由馬料水開出。
陸路
由西貢市中心乘的士至榕樹澳，車程約十五分鐘，車費約$50。下車後沿路標步行入深涌，步程約半小時。
