踓然沙士隨時重臨，但係就有航空公司預早講定香港有沙士，嚇到啲乘客個個嘩嘩聲。
話說立法會議員羅致光早排坐法航返港，喺航機上面竟然聽到廣播話𠵱家香港重有沙士疫潮，嚇到坐喺佢身邊嘅中東籍搭客三魂唔見咗七魄，係咁捉住羅致光問，係咪真有其事，搞到羅致光唔知好嬲定好笑。
之後空姐重要派發埋印住「SRS」（沙士舊稱）嘅舊資料，令佢忍唔住喺噚日嘅立法會衞生事務委員會會議上，追問出席嘅官員，點解會搞成咁。
點知衞生福利及食物局副秘書長姚紀中笑笑口咁講，可能係衞生署畀咗資料啲航空公司，但佢哋就未用晒，於是繼續用咁囉。難得沙士離香港而去，唔該政府就爽手將啲新資料畀啲機構，唔好一邊就話同心為香港，一邊又喺度趕客啦！
傳真︰2623-9278
電郵︰