吳君如日前憑《金雞》一片，奪得本屆金馬影后殊榮，有線電視節目執行董事徐小明及一班娛樂新聞台主播，昨日在有線電視為吳君如開香檳及切蛋糕慶祝，更即場重播君如在台南頒獎禮上的得獎片段。君如昨日透露下月便會約滿有線，她更即時對徐小明說：「要加人工啦！」
君如又透露雖然帶病在身，但近日仍馬不停蹄慶祝，她說：「頒獎禮嗰晚已經發燒，喺後台黎老明（黎明）畀咗兩粒退燒藥我食，返嚟又忙慶功，冇辦法啦！盛情難卻。」
此外，陳可辛昨晚在銅鑼灣出席吳君如的慶功宴時，提到泰國名監製Buangkamol去世一事，他說：「我同杜可風都有去喪禮，佢係《鬼妻》、《三更》同《晚孃》嘅監製，王家衛、杜可風同淺野忠信都同佢合作過，佢過咗身真係好大損失。」
採訪、攝影：卓美娟
