上星期初，亞Mark曾經透露過，話香港標緻原代理，正部署響年尾正式移交代理權嘅事宜。及後，有唔少身邊嘅朋友向亞Mark打聽，現有標緻車主嘅汽車維修，究竟又何去何從呢？雖然新、舊兩家代理商，至今仍未作出任何正式聲明，惟亞Mark再三打聽下，獲知標緻新代理商，明年1月1日會以AutoFrench為公司新名字；至於現有一批為數不少嘅標緻車主，汽車維修仍可交回原代理各家汽車維修站，直至今個月底前。而來年標緻新代理商，仍會沿用響灣仔嘅陳列室，至於汽車維修方面，標緻車主可利用新代理母公司旗下，位於港、九及新界共七個維修點，遲吓新代理重會將香港仔同土瓜灣宋皇臺道嘅汽車服務中心，闢作標緻專用嘅ServiceCentre㖭！
由於新代理嘅母公司，早已擁有標緻響亞洲多個地方，以及國內嘅代理權，故新公司並無半點擔心，繼後標緻汽車銷售同保養問題，加上車廠新車款正不斷推陳出新，相信日後呢股法國汽車勢力，大有直逼德國及日本汽車王國之勢㗎！