去年諾貝爾經濟學得獎者弗諾史密斯（VernonL.Smith）應邀來港，噚日喺金鐘一間酒店出席午餐會，並發表演講，吸引唔少名人捧場。大教授亦不負眾望，用咗好多活生生嘅現實例子去解釋商品市場同資本市場嘅運作。唔知係咪聽得唔夠喉，當主持人開始接受台下問題時，有線寬頻主席吳天海隨即舉手，問第一個問題。可能係傳媒老闆啦，佢嘅問題都好有新聞性，就係請大教授講「對伊拉克重建的意見」。
大教授建議，為尊重伊拉克人嘅產權（包括土地、石油、油管等不同設施），當地新政府可以考慮將資產私有化或公開拍賣，然後將資金組織成為一個「基金」，股權由伊拉克公民持有，有錢賺就派「股息」。
雖然結論簡單，但大教授用咗差唔多十分鐘去解釋，八方認為夠晒詳細。唔知吳老闆滿唔滿意呢，又或者有冇得益呢？
（圖）紮住馬尾、雙手戴滿銀戒指嘅諾貝爾得主，你見過未？史密斯教授嘅打扮真係別具一格。
傳真︰2623-9278
電郵︰