酒吧賣車有噱頭

酒吧賣車有噱頭

近期，香港車市氣氛向好，而各大汽車代理商，對促銷旗下車款都可謂花盡心思，兼且重有唔少創新念頭，予人一新耳目嘅感覺㖭！
記者、攝影：李勤

賣車新模式夠創意
早前，筆者走訪位於北角威非路道，萬國寶通中心地下一家新開張兼名為Bond嘅Bar，佢唔止係不少城中名人夜間消遣同聚腳地；最近，佢哋重搞搞新意思，並響場內展出咗最新全天候SUV嘅福士Touareg㖭！
人客把酒言歡，唔單止可近距離望到部車，若然有興趣的話，還可以響無拘無束嘅環境下登車試乘㗎！最後，睇啱部車重可以直接透過代理商或有關車行出車；呢種賣車嘅新模式，最啱時下忙碌嘅優皮一族，唔使要響特定辦公時間內去睇車㗎！

■新車置於場中，無礙顧客把酒言歡，更成為全場焦點所在。

■內有VIP客房，提供一個私人空間消閒耍樂。