三十歲懷孕八個月的阿雁，丈夫失蹤與兩名年幼孩子相依為命，一日三餐有賴他人接濟，境況堪憐。刻下，她因無力支付水電雜費及欠租，正面臨迫遷，感到前路茫茫，蘋果基金即時撥款，解其困境。
「因為冇錢𠵱家一路都冇去醫院做產前檢查，平時又要留喺屋企睇住兩個細路，呢排全靠家姐攞咗啲麵、米同埋餸菜嚟，我哋慳慳哋咪分幾餐食，食晒咪求其再煲啲白粥煮隻鹹蛋，始終自己唔食，啲細路都要食。」腹大便便的阿雁愁眉不展地說。
多年前，原職雜工的阿雁在內地工作，經友人介紹認識在港任職小販的丈夫，有感其為人率直忠誠，二人情投意合，結婚後，育有兩名分別兩歲及九歲的女兒，三母女留在鄉間生活，其夫不時往返內地探望妻兒及支付其生活開支。
去年，兩名孩子先後獲准來港定居，由父親照顧，其間，他不幸失業，耗盡僅有的積蓄，經濟陷困，遂向社署申請綜援金維生。近月，她獲准來港一家團聚，詎料，夫婦短聚多天後，疑其夫因經濟問題離家不知所終，母女頓失依靠。
連月來，二母女僅以親友送贈的白米及鹹魚青菜果腹，現距嬰孩出世尚有一個多月，惟貧困的她，三餐不繼，更遑論有餘錢前往診所作產前檢查，感到彷徨無助。她憂心忡忡地說：「嗰日老公淨係放低咗幾百蚊畀我哋，跟住我一路都冇見過佢，我大住個肚又搵唔到嘢做，淨番我哋幾仔乸喺度，𠵱家屋企除咗冇錢開飯之外，又欠房署租金，真係唔知點算……」
依偎在母親身旁、就讀小學三年級的長女琪琪表示：「好耐冇見爸爸、冇同佢傾偈，媽咪以前喺鄉下教過我煮飯，所以爸爸唔喺屋企，我就煮飯畀妹妹食，平時做完功課，我會帶妹妹落去樓下公園玩。」
由於阿雁由內地來港未滿一年，不合資格申領綜援金，難以應付生計，有見她的生活苦況，蘋果日報慈善基金即時撥款四千元，助其支付欠租及水電雜費，應付短暫的生活急需。
捐款編號：C1218
暖流熱線
電話：29908688
傳真：23702192
電郵：
網址：