明年立法會選舉，功能組別嘅會計界係兵家必爭之地，香港會計師公會上周五舉行一年一度改選。德勤．關黃陳方會計師行合夥人RogerBest路沛翹當上會長，陳茂波同周光暉做副會長。本來新人事新作風，但係會計師公會有咁深厚嘅傳統，鬼佬做主席都未必有好大變化。八方知道呢類公會不談政治，但明年立法會改選，各大功能組別兵荒馬亂，李家祥都幾危，因為上次就有周光暉及陳普芬同佢爭，今次民主派都分分鐘有興趣加入戰圈。
路沛翹話，佢當然會鼓勵啲會員盡公民責任去投票，但重申公會本身非政治化，至於7.1之後，香港嘅信心已經逐漸恢復同增加，但係生意就未好番晒，有咗屍爬，大家都向北望，會計師喺呢方面係先行者，但雖然會計師啲英文俾人彈得好多，要佢哋認埋簡體字，已經考起。所以佢哋梗係最想政府出頭幫多啲手，老董唔知收唔收到？
（圖）香港會計師公會改選，新會長由RogerBest路沛翹（中）當選，陳茂波（左）及周光暉為副會長。
傳真︰2623-9278
電郵︰