首屆FormulaBMWAsia總冠軍得主——中國車手董荷斌（右圖），日前響西班牙嘅JerezdelaFrontera賽道上，試駕咗令人趨之若鶩嘅BMWWilliamsF1FW24戰車，佢不但喺呢條全長4.428公里嘅賽道上，合共跑咗42圈外，並響第33圈造出1分22.082秒嘅個人最佳時間，因而成為車迷茶餘飯後嘅一個熱門話題。
若你立志成為董荷斌嘅接班人，而且又係響1982至1988年間於亞洲地區出生，同埋從未擁有任何國際賽車經驗的話，咁就要報名參加2004年度FormulaBMW獎學金計劃喇！若能成功獲得此獎學金，不但能獲得35,000美元嘅財政支援，以參加2004年度嘅FormulaBMWAsia賽事外，更可參加一系列由國際車壇專才負責嘅教育及訓練課程，包括技術指導同埋科技知識等等，以培育出技術優良及非常專業嘅年輕亞洲方程式車手。
不過，由於今次獎學金嘅名額僅得四個，若要成為獎學金得主之一，第一步就要參加將於明年2月13至15日期間，響西班牙AlbaceteBMW賽車中心舉行嘅執照訓練營；有興趣嘅朋友，不妨致電與賽事主辦機構「亞洲賽車運動有限公司」聯絡，或瀏覽寶馬官方網頁，查詢有關資料同報名㗎！
亞洲賽車運動有限公司查詢電話：（+603）20261680
寶馬官方網頁：
