越野路華Defender正式踏足香港

越野路華Defender正式踏足香港

早陣子，亞Mark曾經透露過，話越野路華（LandRover）香港代理，今年會限量引入一批柴油偈嘅Defender越野車，而新車亦經已陸續到埗，重開始交付畀班咁有品味嘅越野車發燒友㖭！
上星期，亞Mark行開灣仔，經過越野路華個雙面舖Showroom，竟發現到部首次由代理引進，以一台2.5公升柴油偈作主打嘅DefenderStationWagon；雖然基於香港運輸署嘅發牌要求，須要將尾廂密封，重要用鐵絲網分隔座艙，惟一身軍綠色嘅Defender，果然不愧係越野車界嘅長青樹，至今仍見魅力沒法擋呢！據知，首度引進抵港嘅Defender，共分有兩個版本，除標準型號外，頂級版重有四輪合金胎軨配搭，以及特製嘅座席組合。
及後經亞Mark打探得知，原來代理首批Defender重有2部未有買主，若然各位有興趣的話，就不妨落去陳列室望吓部Sample，先決定都得㗎！不過記住手快有手慢無噃！

■座艙鋪排保留有一貫傳統風格，講究實而不華嘅作風。

■5前速手波另備有四驅模式選擇，轉檔時盡顯粗豪一面。

■兩排五座位以特製布料鑲嵌，既貼服重有防水性。

■座艙之間以鐵絲網及膠片分隔，令尾廂變得好實用。