紡織股今年威風八面，但年中開始受到棉價大幅上漲影響，股價大幅回落，其中一隻備受芬佬喜愛的紡織股福田實業（420），將於周四公布全年業績。經紀黃話，綜合各界芬佬同埋分析員的估計，福田盈利持續增長，可以繼續睇好。
福田股價52周低位4.15元，高位7.95元，上周五就平收5.80元。棉價上漲因素，相信已經反映在股價上面。
經紀黃話，芬佬心知福田受棉價影響成本上升，加價轉移成本方面，可能面對客戶阻力，本身增長亦唔見得好快，但結論仍然係睇好，主要原因係睇好未來表現。不過，小初就抱住陰謀論想法，芬佬仍然坐住大量紡織股，有乜理由會唱衰？
經紀黃又提及上市之初係威係勢嘅魏橋紡織（2698），自從上市之初見過10元樓上之後，股價就一直乏善足陳，上周五收9.10元。據講唔少芬佬收貨已經收得七七八八，當中包括金手指在內，加上魏橋老闆短期將來香港與證券界會面，唔排除隻股快有表現。
慕容小初