麥浚龍（Juno）一向甚愛日本潮流衣着，經常以oversize和damagelook的形象出現，將至愛品牌Revolver及Number（N）ine的服飾左披右搭，營造層次感，令效果更鮮明。
麥浚龍和余文樂、陳冠希等年輕男歌手一樣，崇尚日本潮流服飾，而且更愛當中的damagelook，以「爛衫爛褲」的配搭營造豪邁奔放的效果，而且他亦會花心思玩層次感，將日本潮流牌子Revolver及Number（N）ine的服飾左披右搭。
Juno說：「我本來鍾意着闊身衫，但唔知點解近排反而鍾意啲窄身嘅T恤，覺得啲cutting好有心思。我鍾意出面再加多件恤衫，然後再着件大褸喺面，一層一層令觀感上豐富啲。如果講到衫嘅顏色，我會睇心情而着，好似粉紅色咁搶眼嘅衫我唔介意着，但全套衫一定要同一個tone。」
雖然Juno喜歡配襯服飾，但他比一般人少了點樂趣，因為他很少逛街買衫，他說：「因為我識幾個日本設計師，佢哋每季見到啱我嘅衫，就會send畀我、有時我哥哥去日本公幹，見到合適嘅亦都會買畀我。」
另外，Juno更預測未來一季的時裝潮流，更表示已「未雨綢繆」，他說：「我今年特別鍾意戴冷帽，覺得啲帽外形得意，而且我覺得明年會興長頭髮，𠵱家我都留緊，所以成日戴帽，等留到適合嘅長度就見人喇！」
採訪、攝影：王連連
