出爐金馬影帝梁朝偉，昨日與楊千嬅齊往旺角出席電影《地下鐵》的宣傳活動，吸引不少途人圍觀，有數名青年更因爭位看明星而發生衝突，最後要由保安請他們離場。
對於今次在金馬獎經七輪投票後以一票險勝劉德華，偉仔昨日笑說：「我都知同華仔係勢均力敵，我贏出只不過運氣好少少，如果喺部戲入面冇華仔一個咁好嘅對手，我未必可以發揮得咁好。」
偉仔續說：「呢個獎係整體功勞，我覺得呢個獎華仔都有份，正如個獎如果係華仔得，我一樣都會當自己有份㗎，𠵱家因為評判要二揀一，我比華仔幸運啲。至於現場搞氣氛俾秋生話係玩華仔，我就覺得頒獎禮都係咁。」
此外，千嬅提及有周刊指她八年間賺一億元時，她說：「我死成億細胞就真，好恐怖。佢哋重影埋我爸爸，唔好嚇親老人家啦，要影就影我，我踩單車畀佢哋影又點話。」
採訪：李珮洳