相信唔少車迷與筆者一樣，皆希望擁有一部賣相狠辣、性能出眾，並曾響世界性汽車競運賽事中，多次獲獎嘅車款作座駕；其中，三菱LancerEvo.正好切合上述要求，難怪由推出至今一直成為車迷追捧對象。
然而，近年榮獲多個獎項嘅三菱LancerEvo.跑車，喺2003年終結前又再獲獎；今次嘅獎項名為2004AutomobileoftheYear，並由美國著名汽車雜誌《AutomobileMagazine》所頒發。而全新LancerEvo.能獲得呢個獎項嘅原因，會係同佢擁有出眾性能表現有關；同時，響公布得獎名單嘅《AutomobileMagazine》2004年1月號中，對此車嘅評語係：「佢不但係我哋認為嘅2004AutomobileoftheYear外，而且重係本世紀車壇上，最惹人注目嘅車款之一㖭！」三菱廠方對LancerEvo.能獲此殊榮及評價，感到高興之餘，並表示日後會繼續落力研製新車，以求更能迎合用家嘅要求呢！